Golden State chakna Stephen Curry

Stephen Curry-a'n hun tawp dawn hamrik rik rualin basket pawimawh bik a lut a, a team Golden State Warriors chu Houston Rockets lakah ropui takin hnehna a chanpui.

Tun hnaiah Golden State hi an khel ṭha tawk lo. Inrinni zingah pawh an chungnung thei bik lo, over time khelh a ngai dawn ngei niin a lang hman. Mahse, a tawpah Curry-a che fuh hlauhin 105-103 in hnehna an chang.

Kum 33 mi Curry chuan, "Hun tawp ruala chakna basket neih tak hi chu ka vawi khatna a ni a, a lawmawmin a hlut dan pawh a danglam hle," tiin a sawi a, chak zel tura kawng dik an zawh chhunzawm a beisei thu a sawi bawk.

Team pahnih an inhnehtawk vanglai takin Curry hian 3-points luh tumin vawi hnih a vawm a, a hlah ve ve. Mahse, hun pawimawh bikah mawhphurhna sang la nawn ngamin an chakna point a sual chhuak a ni.

NBA Results
January 23, Pathianni
Indiana Pacers 103 - 113 Phoenix Suns
Oklahoma City Thunder 87 - 94 Cleveland Cavaliers
Sacramento Kings 127 - 133 Milwaukee Bucks
January 22, Inrinni
Oklahoma City Thunder 98 - 121 Charlotte Hornets
Portland Trail Blazers 109 - 105 Boston Celtics
Memphis Grizzlies 122 - 118 Denver Nuggets
Los Angeles Lakers 116 - 105 Orlando Magic
Chicago Bulls 90 - 94 Milwaukee Bucks
Detroit Pistons 101 - 111 Utah Jazz
Los Angeles Clippers 102 - 101 Philadelphia 76ers
Toronto Raptors 109 - 105 Washington Wizards
Houston Rockets 103 - 105 Golden State Warriors
Miami Heat 108 - 110 Atlanta Hawks
Brooklyn Nets 117 - 102 San Antonio Spurs