Bopanna tan Australian Open a tawp

India tlangval tennis khel thiam Rohan Bopanna leh a ṭanpui Darija Jurak Schreiber te chu Australian Open mixed doubles aṭangin an tla, hneh nei loin Grand Slam hmasa ber atan an zinkawng a tawp.

Bopanna te ṭhiandun hian Andrey Golubev leh Lyudmyla Kichenok te ṭangdun chu 6-1, 4-6, 9-11 in an ngam lo, a bul ṭan fuh viau mah se an zuih em avangin darkar khat leh minute thum chhung lekin an tlawm.

Kum 40 mi Bopanna leh Schrieber te hian set khatna bikah chuan unforced errors vawi khat chiah an nei a, an khingpui service vawi hnih chhuhsak bawkin buaina an tawk lo.

Mahse, set hnihna bikah an service vawi thum ngawt an hloh a, boruak sangah a talbuai leh chesual nasa zawk an nih miau avangin an tan second round luh theih a ni va ta lo a ni.

Bopanna hi Men's doubles lamah hneh nei loin an tla tawh bawk. Australian Open khelh laiah hian mixed doubles lamah la tla lo Sania Mirza chu Indian player zinga la dam awmchhun a ni ta.