Villa-in Everton an hneh

Aston Villa-in first half injury time-a Emiliano Buendia tauh luh hmangin Everton 1-0 in an hneh. Toffees hi manager Rafael Benitez an ban avangin Duncan Ferguson hnuaiah an khel a, Scottish manager hian December 2019-a Marco Silva ban a nih khan team enkawl hna hi a lo thawk tawh bawk.

Everton caretaker boss Duncan Ferguson chuan, "Kan result-ah kan lawm lo a, first half-ah kan khel ṭha lo. Second half-ah theihtawp chhuah mah ila goal hmaah kan vannei lo," tiin a sawi a, Toffees fan zingah club chunga lungawi lo an awm chu pawi a tih thu a sawi bawk.

Everton ṭantute hi club inrelbawl danah an lawm lo a, club neitu Farhad Moshiri chuan chairman Bill Kenwright leh a hote ban turin an ti. Inkhelh lai pawhin Toffees fan zinga miin Vila player pahnih Lucas Digne leh Matty Cash te plastic bottle-in an vawm a, police-ten bottle vawmtute hi an man.

Inkhelh hma hian stadium chungah thlawhtheihna hmangin "22 years of failure Bill @Time2GoBill" tih inziak chu an pholang a, club inrelbawl thlak danglamtu an tam avangin club neitu Farhad Moshiri tan pawh chairman thlak mai a finthlak ang.