NorthEast tan Danmawia goal a tawk lo

Inrinni zan Indian Super Lea­gue inkhelah NorthEast United tan Mizo tlangval Laldanmawia Ralte-in goal hmahruai khung mah se Khalid Jamil-a hote hi Chennaiyin FC lakah 2-1 in an chak lo.

Fatorda Stadium-ah Chennaiyin tan Jerry Lalrinzuala'n bul a ṭan a, NorthEast lamah Danmawia'n bul a ṭan thung. Minute 35-naah Chennaiyin keeper Debjit Majumder-a'n corner kick aṭanga ball kal a hnek chhuak sual a, buai nuaih karah Danmawia'n goal hmahruai a khung.

NorthEast United phur hman mah se an ṭang tluan thei lo. Minute 52-naah box pawn aṭanga Ariel Borysiuk pet chu defender-in an khawih per avangin keeper Mirshad Michu-a'n a dang thei lo. Minute li hnuah Vladmir Koman-a'n freekick aṭangin a khung a, keeper Michu-a'n a tihtur a ti tawk lo.

ISL-ah season chawhnu lam a nih tawh avangin boruak a sang chho a, Chennaiyin-in point 18 hmuin pathumnaah an awm a, semifinal khelh beiseina an la nei zel. NorthEast erawh point kua hmuin table mawngphahah an awm thung.

January 22, Inrinni
Chennaiyin FC 2 - 1 NorthEast United
CHE : Ariel Borysiuk 52'; Vladmir Koman 58'
NOR : Laldanmawia Ralte 35'
Zanin Inkhel Tur
East Bengal 7:30 PM Hyderabad