South Africa-in series an la

South Africa chuan India laka Test series an lak hnuin ODI-ah pawh series an la. Proteas hian India hi ODI match thum khelh tura a hmasa pahnihah an hneh a, nimin khan match hnuhnung ber khelh a ni.

Zirtawpni khan Boland Park-ah ODI match hnihna hi khelh a ni a, India-in bat hmasak thlangin 287/6 runs an siam. Men in Blue tan Rishabh Pant (85), KL Rahul (55) leh Shardul Thakur (40*) te an khel ṭha.

South Africa batter-te an che ṭha a, target umpha turin harsatna an tawk lo. Jannenman Malan (91), Quinton de Kock (78) leh Rassie van der Dussen (37*) te hmangin over 48.1-ah 288/3 runs siamin wicket sarihin hnehna an chang.