Covid-19 vangin Comoros buai

African Cup of Nations last 16 chu nizan aṭang khan khelh ṭan a ni a, zaninah inkhel pahnih a awm ang. Zan dar 9:30-ah Guinealeh Gambia te an inkhel ang a, dar 12:30-ah inelna thlengtu Cameroon leh Comoros te an inkhel leh ang.

Comoros tan kumin AFCON hi an vawi khat telna a ni a, knockout stage thleng tur hian an match hnuhnung berah Ghana 3-2 in an hneh.

Comoros hi Covid-19 in a run mek a, team chhungah mi 12 ngawtin hri leng hi an kai a, chung zingah chuan coach Amir Abdou pawh a tel. An first keeper Salim Ben Boina a inhliam a, player pasarih positive zingah keeper pahnih an tel.

Comoros general manager El Hadad Himidi chuan, "Kan khelh theih nan theihtawp kan chhuah dawn. Coach leh goalkeeper-in hri leng an kai hian engkim a ti harsa," tiin a sawi.

AFCON - Thlirna Tawi
LAST 16 TLINGTE
- Group winner : Cameroon, Senegal, Morocco, Nigeria, Ivory Coast leh Mali
- Group-a pahnihna : Burkina Faso, Guinea, Gabon, Egypt, Equatorial Guinea leh Gamibia
- Pathumna ti tha pali : Cape Verde, Malawi, Tunisia leh Comoros

Last 16
January 23, Pathianni (Result hre hman lo)
Burkina Faso 9:30 PM Gabon
Nigeria 12:30 AM Tunisia
January 24, Thawhṭanni
Guinea 9:30 PM Gambia
Cameroon 12:30 AM Comoros
January 25, Thawhlehni
Senegal 9:30 PM Cabo Verde
Morocco 12:30 AM Malawi
January 26, Nilaini
Ivory Coast 9:30 PM Egypt
Mali 12:30 AM Equatorial Guinea