Bengaluru tan two-star

Asian Football Confe-deration (AFC) chuan Reliance Foundation Young Champs (RFYC) leh JSW Bengaluru FC academy-te chu two-star status an pe a, Bengaluru FC hi Indian club enkawl academy zinga AFC-in two-star a pek awmchhun an ni. 

Navi Mumbai-a hmunpui nei RFYC hi AIFF Academy Accreditation chuan June 2019 khan 5-star an lo pe tawh a, India rama youth academy zinga 5-star awmchhun a ni bawk. AFC-in two-star a pek ni tur hian tehna hrang hrang paltlang a ngai a, paltlang ngai zingah leadership, planning, organisation, staffing, recruitment, finance, facilities, coaching, player health, coaching leh fitness requirements-te a tel avangin a awlsam lo hle. Hetihlai hian AFC chuan  All India Football Federation chu AFC Elite Youth Scheme full membership status a pe bawk.