Zaninah India inlan dawn

SAFF Championship 2018 khelh mekah India chuan Pathianni zan dar 6:30-ah hian an match hnihna an khel dawn a, Maldives nen an inhmachhawn ang.

India hian an match hmasa berah Sri Lanka chu 2-0 in an hneh tawh a, he inkhelah hian Mizo tlangval Lallianzuala Chhangte chuan goal mawi bik khungin India tan player ṭangkai a ni.

Blue Tigers coach Stephen Constantine-a'n player senior rual hruai loin naupang rual enchhin nan a hmang a, an match hmasa berah Sri Lanka an hneh nghal theih avangin English coach hian thutlukna a siam sual lo niin a lang.

SAFF hnuaiah ram pasarih chiah an awm avangin Group A leh B-ah team pasarih hi ṭhen an ni a, Group A-ah team pali awmin Group B-ah team pathum an awm a, group-a a sang pahnihin semifinal an lut ang.

India hian an match hmasa berah Sri Lanka an hneh nghal avangin Maldives lakah hian draw result ringawt an hlawh chhuak a nih pawhin semifinal an lut thei dawn. Inkhel hi D Sport chuan live-in a pe chhuak.