Manager ṭha ber Gracia

Premier League season thara thla hmasa ber August manager of the month chu a chiang ta, a zawna match li chak tawh Watford manager Javier Gracia kutah chawi­mawna hi hlan a ni.

Gracia kaihhruaina hnuaiah Hornets hian Brighton & Hove Albion (2-0), Burnley (3-1) leh Crystal Palace (2-1) te an hneh a, September thla pawh bul an ṭan fuh; an match hnuhnung berah khan team ṭha zawka ngaih Tottenham chu 2-1 in an hneh.

Chawimawina dawng thei zingah hnehna la chang vek Jurgen Klopp leh Maurizio Sarri te bakah Spurs manager Mauricio Pochettino a tel bawk, anni pathum khumin chawimawina hi a dawng.

Kum 48 mi Gracia chuan, "Kan zavaiin kan lawm, kawng hi engtikah nge a tawp ang tih ai chuan, thil ṭha zawk a thlen beisei in hmalam kan thlir tur a ni. Kan thawhhona a ṭhat phawt chuan thil duhawm zawk pawh kan la tawng thei a ni," tiin a sawi.