Chaudhary a hlawhtling chhunzawm

Asian Games champion a nih hnuah Meerut Saurabh Chaudhary chuan hlawhtlinna dang a tawng zui leh nghal. Nimin khan ISSF World Championship-ah Chaudhary-a'n gold medal a kap chhuak.

Kum 19 mi Chaudhary hian junior men’s 10m air pistol-ah point 245.5 a hmu a, Junior World record a ni nghal. Tun hma lama record lo awm tawh 243.7 chu a rawn khum nghal a ni.

Saurabh Chaudhary chuan, "Asian Games neih zawh hlim a ni a, tun inelna bikah hi chuan inrintawkna pawh ka nei sang zual hle. Ṭha taka inelna hmachhawn kha ka thil tum a ni mai a, record siam phak hi chu ka inring lo. Hetiang thil a thleng kawp hi a lawmawm zual hle," tiin a sawi.