Fourth round-ah Simona Halep a tla

Grand Slam vawi hnih champion tawh Simona Halep chu Australian Open fourth round-ah vuak tlak a ni. Romanian star hian a hneh tura ngaih, seeded pawh chang phak lo Alize Cornet a ngam loh avangin puanthuah a tel a ngai.

Seeded 14-na Halep hian kumina a match hmasa pariatah hnehna a chang vek. Melbourne Park-ah hian 2018 khan final a luh tawh bawk avangin kuminah hian a lakah beiseina a sang, mahse khaw lum hnuaia inkhelah 6-4, 3-6, 6-4 in a chak lo.

World number 61 Cornet hian quarterfinal-ah Danielle Collins a tum leh ang. American nula Collins hian nimin khan set a hloh hmasak hnuah seeded 19-na Elise Mertens chu 4-6, 6-4, 6-4 in a lo hneh ve bawk.

Kum 32 mi Cornet chuan, "A vawi khat nan Grand Slam quarterfinal ka lut ve ta, hei zet chu duhthusam thleng dik a ni. Tun ang hun thleng tur hian hun rei tak chhung chu tennis ka lo khel ve tawh a ni," a ti a, a thlen chin aṭanga hmasawn zel a tum.