Chettri-a'n record nihrual

Pathianni zan Indian Super League inkhelah Bengaluru leh FC Goa te 1-1 in an inhnehtawk. Goa-in Dylan Fox hmang­in goal first half-ah khung hmasa mah se Bengaluru-in Sunil Chettri hmangin second half-ah an sut.

India captain Chettri hian tun season ISL-a goal a khung hmasak ber a ni a, match 11 chhung goal a khung loh hnuah goal pawimawh a khung. Kum 37 mi Chettri hian ISL-ah goal 48 a khung tawh a, FC Goa striker hlui record a nihrual.

Kum 39 mi Coro hi Spanish a ni a, Espanyol, Girona, Elche leh Mallorca tan te pawh a khel tawh. Kum 2017 leh 2020 chhung khan Goa tan ISL rawn khelin match 57 lekah goal 48 hi a khung a ni.

Pathianni zan ISL inkhel dangah ATK Mohun Bagan leh Odisha te goal awm loin an inhnehtawk. Zanin dar 7:30 hian Mumbai City leh NorthEast United te an inkhel leh ang.

January 23, Pathianni
Bengaluru 1 - 1 Goa
BEN : Sunil Chhetri 61'
GOA : Dylan Fox 41'
ATK Mohun Bagan 0 - 0 Odisha
Zanin Inkhel Tur
Mumbai City 7:30PM NE United