Celtics chakna Jayson Tatum

Jayson Tatum-a point 51 zet neih hmangin Boston Celtics chuan Washington Wizards 116-87 in an hneh a, NBA regular season kal laia a vawi 24 nan hnehna an chang - an chak zat chiah hi an tlawm tawh bawk a ni.

Tun hnaiah Tatum hian beisei a phak tawk lo deuh a, sawiselna pawh a awm hman. Mahse, Wizards lakah erawh player ṭha chungchuang bik a nihna lantirin point 50 chuang a nei hem a, tun season bika point a neih hnem ber ṭum a tawng.

Inkhel dangah Los Angeles Lakers chu Miami Heat lakah 113-107 in an tlawm. Lakers hian quarter hnihna an khel ṭha lo, hun tawp dawn lamah nasa takin bei let chiam mah se LeBron James leh Russell Westbrook awmna team hi an tho chhuak zo lo.

Team ṭha, mahse beisei anga khel hleithei lo chu Broolyn Nets hi an ni ngei ang. Kyrie Irving (30 points) leh James Harden (13) inlan kawp mah se Minnesota Timberwolves lakah 136-125 in an tlawm, vawi 17 zet an chak lohna a ni ta.

NBA - Nimin Results
Atlanta Hawks 113 - 91 Charlotte Hornets
Detroit Pistons 111 - 117 Denver Nuggets
Philadelphia 76ers 115 - 109 San Antonio Spurs
Utah Jazz 92 - 94 Golden State Warriors
Memphis Grizzlies 91 - 104 Dallas Mavericks
Brooklyn Nets 125 - 136 Minnesota Timberwolves
Boston Celtics 116 - 87 Washington Wizards
Los Angeles Lakers 107 - 113 Miami Heat
Chicago Bulls 95 - 114 Orlando Magic
Portland Trail Blazers 114 - 105 Toronto Raptors