Leeds United an chak leh ta

Inrinni zan Champion-ship inkhelah Leeds United-in Blackburn Rovers 3-1 in an hneh a, Premier League an hnaih leh ta sawt. Ewood Park-a inkhelah hian Leeds tan Patrick Bamford, Kevin Phillips leh Mateusz Klich ten an khung a, mualneitu tan hian Adam Amstrong-a'n goal khat a khung ve bawk.

Leeds United boss Marcelo Bielsa chuan, "Inkhel zawng zawng hi a pawimawh tawh a, thil dang ngaihtuah a thiang tawh lo. Kan match tur ni lo thil dang kan ngaihtuah a nih chuan a tuar tur chu keimahni bawk kan ni a, kan rilru zawng zawng kan pek a ṭul," tiin inkhelh hmabak match panga a pawimawh thu a sawi a, Blackburn nen an khelh danah a lawmthu a sawi tel bawk.

Inkhel dangah pathumnaa awm Brentford-in Wigan Athletic 3-0 in an sawp a, palina Fulham-in Birmingham City 1-0 in an hneh bawk. Wayne Rooney telna Derby County erawh pangana Nottingham Forest nen 1-1 in an inhnehtawk. Championship-a sang pahnih hi Premier League khel turin an tling nghal ang a, pathumna aṭanga parukna ten playoff hmangin hmunruak pakhat an inchuh ang. 

July 4, Inrinni

Charlton Athletic    0 - 1    Millwall

Derby County    1 - 1    Nottingham Forest

Blackburn Rovers    1 - 3    Leeds United

Brentford    3 - 0    Wigan Athletic

Bristol City    0 - 1    Cardiff City

Fulham    1 - 0    Birmingham City

Huddersfield Town    0 - 0    Preston North End

Luton Town    0 - 5    Reading

Stoke City    4 - 0    Barnsley