Arjuna Award dawng thei turin Jeje

India ram football-a thuneitu sang ber All India Football Federation (AIFF) chuan India rama infiammite chawimawina sang Arjuna Award dawng thei turin Jeje Lalpekhlua chu an 'nominate' a, Jeje bakah hian Sandesh Jhingan leh Bala Devi hming pawh pek tel a ni. 

'Mizo Sniper' tia hminglem an pek Jeje hian India tan match 56 khelin goal 23 a khungsak tawh a, ram tana la inlan mek Indian player zingah Sunil Chhetri chiah chu ram tana goal khung tam lama a tluk loh awmchhun a ni mek. 

Jeje hian kum 2012 khan AFC Challenge Cup qualification-ah Chinese Taipei hmachhawnin India tana a match hmasa ber a khel a, goal a khung nghal. Kum 2011 khan Football Players Association of India (FPAI) chuan Best Young

Player-ah a thlang a, kum 2016 khan Indian Player of the Year atan an thlang bawk. 

Kum 2013 khan AIFF Emerging Player of the Year-ah thlan a ni a, kum 2016 khan AIFF Player of the Year-ah thlan a ni bawk. Kum 2015-ah Indian Super League Emerging Player of the League-ah thlan a ni a, ISL nomawi pahnih leh I League (1) nomawi a chawi tawh. India tan SAFF Cup-ah kum 2009, 2011 leh 2015 te khan a champion tawh bawk - kum 2017 leh 2019 khan Arjuna Award dawng tur hian AIFF chuan a lo rawt tawh a, mahse Mizo tlangval aiah hian Bem Bem Devi leh Gurpreet Singh Sandhu te chu a tawpah thlan an ni.