Pacman chotu Amir Khan

British boxer chan­chin ngah tak Amir Khan chuan nimin khan Bir­­mingham khawpuiah Samuel Vargas chu unani­mous point (119-108 119-109 118-110) in a hneh a, Manny Pacquiao hma­chhawn a duh thu a sawi nghal.

Khan-a hian kum hnih zet boxing ring a rah tawh loh hnuah April khan a fight hmasa ber lo hmachhawn leh tawhin Phil lo Greco chu second 40 chhungin a knockout.

Pathianni zinga a fight hmachhawnah Amir Khan hi Colombian boxer Samuel Vargas hian round hnihnaah hnek tlu mah se rang takin a in­siam­-ṭha leh nghal a, fighter ṭha zawk a nih­na pholangin hnehna a chang.

Kum 31 mi boxer te in­hnek hi a hmachhawn leh tura an sawi Kell Brook chuan a hmunah a en a, mah­se Pakistan thisen kai, British mi Amir Khan chuan Manny Pacquiao hma­chhawn a duh thu a sawi.

Amir Khan chuan, "Pacquiao hmachhawn ka duh a, ani hi ka duhthlan hmasa ber chu a ni. Pacman hi ka hmachhawn thei lo a nih erawh chuan Kell Brook hmachhawn ka duh ang," a ti.

Khan hi boxing pro­moter lar Eddie Hearn hnuaia contract nei lai a ni a, Brook hi Eddie hnuaia mi vek a ni bawk. Eddie Hearn chuan, "Khan leh Brook hi an in hmachhawn vat a nih loh chuan an intawn hun a thleng ka ring lo," tiin a sawi.

Brook chuan, "Khan hi awlsam takin ka mut hahdamtir thei ang," tiin Bolton khaw chhuak tlangval a huphurh loh thu a lo sawi ve thung.