TT League chhunzawm dawn

Zanin dar 6:00 aṭang hian Mizoram Table Tennis Association Hall, Mission Vengah Donic TT League chu khelh chhunzawm leh a ni dawn a, match hmasa zawkah Ramhlun Knights leh Tuikhuahtlang an in tum ang a, a hnuhnung zawkah Team Techmaze leh Aizawl Hospital Titans an in tum bawk ang.

Team tin te hi an inkhelh kual hnuah semifinal khelh chhunzawm tur a ni dawn, a sang pali tur a la chian loh avangin match zawng zawng a pawimawh vek. Inelna neih tawh chinah point 22 hmutu Techmaze chu hma­hruaitu an ni a, an hnuai­ah hian I San Khay (21 points), Ramhlun (19), AH & RC Titans (16) leh Tui­khuahtlang (12) te an awm.

Aizawl Table Tennis Association buatsaih inelna hi semifinal chu September 15-ah khelh tur a ni dawn a, September 19 zanah final khelh zui tur a ni bawk ang.