France lakah India U19 an tlawm

India Under 19 chu France Under 19 lakah 2-0 in an tlawm a, ram pali nena inkhel kuala Zagreb, Croatia-a an inelna an hmachhawnah chak nei miah loin an ṭin.

Blue Tigers rawlthar rual tan India-in chance an nei lo tawp a ni lo a, Aniket Jadhav chuan hun duhawm a neih vawi hnih ngawt goal-ah a chantir thei lo.

Hetihrual hian India tan goalkeeper Prabhsukhan Gill chu fak phu a ni a, France-in goal hnih lai khung mah se Indian Arrows goalkeeper hian vawi engemawzat save ṭha tak tak a nei bawk.

Mizo rawlthar Lalengmawia telna India U19 hian match hmasa berah Croatia U19 chu 5-0 ngawtin an ngam lo a, match hnihnaah Slovenia lakah 1-0 in an tlawm leh a, France hneh lo leh mah se World champion nilai hnuaia age level team Indian age level-in an hmachhawn hmasak ber erawh a ni tho a ni.

India U19 te hi lo kir mai loin Europe-ah an inkhelh chhunzawm zel dawn a, September 13 leh 17 khian Serbia nen friendly match vawi hnih ngawt an hmachhawn turte ramah hian an khel ang.