FIFPro World XI ; Hming 55 chhawpchhuah a ni ta

Khawvela footballer intelkhawm pawl lian ber FIFPro chuan ṭum danga a tih ṭhin angin season hmasa aṭangin World XI zinga tel thei tur hming a chhawp chhuak leh ta a, Premier League leh La Liga lamin an thawh hlawk hle.

Premier League hian player 55 zingah player 16 ngawt an thawh a, player 25 thawhtu La Liga erawh an phak lo hle. Bundesliga leh Ligue 1 lamin player panga ve ve an thawh a, Serie A aṭangin player pali an lang thung.

Player-te hi season hmasaa an khelh dan aṭanga thlan a nih avangin ram danga khel tawh player pawh season hmasaa an khelhna league-ah zel dah an ni. Entir nan, season hmasaa Juventus keeper Gianluigi Buffon chu tun season-ah Paris Saint-Germain tan khel tawh mah se Serie A player anga chhiar a ni.

Real bawk chu

European champion Real Madrid-in player an thawh hnem a, Champions League final-a starting XI chu FIFPro World XI ni thei turin an lang vek - hetihlai hian final-a goal hnih khungtu Gareth Bale erawh a lang ve lo!

Liverpool-in Champions League final luh an chhawr a, player pali ngawt an thawh - Reds player langte hi Sadio Mane, Mohammed Salah, Virgil van Dijk leh Dejan Lovren te an ni a, Premier League champion Manchester City-in David Silva, Kevin de Bruyne leh Kyle Walker chiah an thawh thung.

World champion France player-ten Russia-a a thiam ber an nih man an tel a, Antoine Griezmann, N'Golo Kante, Kylian Mbappe, Benjamin Pavard, Paul Pogba, Samuel Umtiti leh Raphael Varane te an lang. Club tana a khelh ṭhatna piahlamah World Cup result chu an lan chhan niin a lang.

Thlan dan

FIFPro World XI-a lang tur player-te hi an footballer puiten vote hmanga an thlan an ni a, ram 65 aṭangin footballer 25,000-in vote an thlak a, vote hmu nem 55 hming hi khawvela a thiam zual 11 zinga lang turin chhawpchhuah a ni ta a ni.

Player-te hian an duhzawng goalkeeper pakhat, defender pali, midfielder pathum leh forward pathum ṭheuh an thlang chhuak a, player pakhatin first XI tur tawp hi thlangin vote an thlak tihna a ni.

September 24 khian London khawpuiah FIFA hnuaia chawimawina sang ber Best FIFA Football Awards chu semchhuah a ni dawn a, he hunah hian FIFPro World XI hi puanchhuah a ni ang.

Tel lo langsar

Real Madrid tan Champions League final-ah goal hnih a khung miau avangin Bale-a lang loin mak tih a hlawh a, mahse an footballer puite vote hmanga thlan a nih miau avangin 'a fair lo' tia sawisel chiam chi erawh a ni lo.

Goalkeeper zingah Atletico Madrid keeper Jan Oblak, Liverpool goalkeeper thar Alisson Becker leh France captain Hugo Lloris-te hming a lang lo a, Roberto Firmino-a'n season duhawm tak a hmang chungin Liverpool forward tan hmun a awm lo bawk.

Manchester City striker pawimawh Sergio Aguero tan hmun a awm lo a, Arsenal player pawimawh leh boruak nei hat chunga Germany tana inkhelh chawlhsantu Mesut Ozil-a'n FIFPro World XI-ah hmun a chang lo bawk a, PSG midfielder Marco Verratti tan hmun a awm bik lo.

Lang chiang sa?

Player 55 aṭangin vote hmu tam zual 11 chu la puanchhuah leh tur a ni. Tlarhmaa player pathum thlan turah FIFA Player of the Year ni thei tura hming chhawpchhuah pathum zinga pahnih Cristiano Ronaldo leh Mohammed Salah hming a langsar a, Antoine Griezmann leh Lionel Messi hmuh hmaih an har viau bawk.

Midfield lamah UEFA Player of the Year-a thlan hlim leh FIFA Player of the Year ni thei dinhmuna ding mek Luka Modric chu World XI-a a lan ngei beiseiawm a ni a, Kevin De Bruyne, Eden Hazard leh N'Golo Kante ten hmun an chang ve a nih pawhin a mak lo ang.

Goalkeeper zingah Real Madrid keeper pahnih Keylor Navas leh Thibaut Courtois an langsar viau bawk. Navas hi Champions League-a a chet ṭhat avanga lang a nih a rinawm a, Chelsea keeper hlui Courtois hi Belgium tan World Cup-a a chet ṭhat vang niin a lang thung.

FIFPro World XI
Forward Nominees
Hming Ram/Club
Karim Benzema France, Real Madrid
Edinson Cavani Uruguay, PSG
Paulo Dybala Juventus, Argentina
Antoine Griezmann France, Atletico Madrid
Harry Kane England, Tottenham
Robert Lewandowski Poland, Bayern Munich
Romelu Lukaku Belgium, Manchester United
0Mario Mandzukic Croatia, Juventus
Sadio Mane Senegal, Liverpool
Kylian Mbappe France, Paris Saint-Germain
Lionel Messi Argentina, FC Barcelona
Neymar Junior Brazil, Paris Saint-Germain
Cristiano Ronaldo Portugal, Real /Juventus
Mohamed Salah Egypt, Liverpool
Luis Suarez Uruguay, Barcelona
Midfield Nominees
Hming Ram/Club
Sergio Busquets Spain, Barcelona
Casemiro Brazil, Real Madrid
Philippe Coutinho Brazil, Liverpool/Barca
Kevin De Bruyne Belgium, Manchester City
Eden Hazard Belgium, Chelsea
Andres Iniesta Spain, Barca/Vissel Kobe
Isco Spain, Real Madrid
N'Golo Kante France, Chelsea
Toni Kroos Germany, Real Madrid
Nemanja Matic Serbia, Manchester United
Luka Modric Croatia, Real Madrid
Paul Pogba France, Manchester United
Ivan Rakitic Croatia, Barcelona
David Silva Spain, Manchester City
Arturo Vidal Chile, Bayern/Barca
Defender Nominees
Hming Ram/Club
Jordi Alba Spain, FC Barcelona
Dani Alves Brazil, Paris Saint-Germain
Daniel Carvajal Spain, Real Madrid
Giorgio Chiellini Italy, Juventus
Virgil van Dijk Netherlands, Southampton/Liverpool
Diego Godin Uruguay, Atletico Madrid
Mats Hummels Germany, Bayern
Joshua Kimmich Germany, Bayern
Dejan Lovren Croatia, Liverpool
Marcelo Brazil, Real Madrid
Yerry Mina Colombia, Barcelona/Everton
Benjamin Pavard France, VfB Stuttgart
Gerard Pique Spain, FC Barcelona
Sergio Ramos Spain, Real Madrid
Thiago Silva Brazil, Paris Saint-Germain
Kieran Trippier England, Tottenham
Samuel Umtiti France, FC Barcelona
Raphael Varane France, Real Madrid
Sime Vrsaljko Croatia, Atletico Madrid/Inter
Kyle Walker England, Manchester City
Goalkeeper Nominees
Hming Ram/Club
Gianluigi Buffon Italy, Juventus/PSG
Thibaut Courtois Belgium, Chelsea/Real
David De Gea Spain, Manchester United
Keylor Navas Costa Rica, Real Madrid
Marc-Andre ter Stegen Germany, FC Barcelona