Ferrari chhuahsan tur Raikkonen

Real Madrid captain Sergio Ramos-a'n Cham­pions League final-a Mohamed Salah a tih nat chanchinin kiam lam a pan hleithei lo a, Ramos chuan kha thil thleng vang khan thaha vauna a tawh thu a sawi!

Inrinni zan khan Spain chuan Wembley-ah UEFA Nations League khelin England an lenchilh a, he inkhelah hian England fan-te chuan Spain captain hi ball a chan apiangin an au nawmnah a, hei hi Salah a tih nat vanga ngaih a ni.

Ramos chuan, "Auh nawmnah loh nih chu ka duhdan ber a ni a, hetihrual hian ka game-ah engmah nghawng a nei lo. Hlim taka lawm nih erawh ka duh a, final-a thil thleng kha mipui hian an hriat reng laiin ka chhungten thaha vau an tawhna erawh tumahin min hriatpui lo," a ti.

Real Madrid defender chuan Salah chunga thil thleng sawi nghalin, "Kha thil thleng chungchangah khan ka tih luih a nih loh thu chiang takin ka sawi tawh a, tunah sawi nawn a ṭulna ka hre tawh lo," tiin a sawi.