ICC Test cricketer of the year Root

England captain Joe Root chu International Cricket Council (ICC)-in Test cricketer of the year atan an thlang. Three Lions hian nikum khan kum ṭha hmang lo mah se Root hian kum 2021 chhung khan 1,708 runs a siam, calendar year-a Test run siam tam pathumna a ni.

Kum 31 mi Root hian India lakah double century vawi hnih a siam a, century dang vawi li a saim. English batter hi Sir Garfield Sobers Trophy for ICC men's cricketer of the year atan pawh a hming chhawpchhuah a ni a, amaherawhchu he chawimawina hi Pakistan bowler Shaheen Afridi-a'n a dawng thung.

Root chuan, "Hetiang chawimawina ka dawng thei hi ka lawm a, ka chhuang takzet bawk," tiin a sawi. Kum 2011-a Alastair Cook-a'n Test cricketer chawimawina a dawn hnua English zinga he chawimawina dawng leh thei hmasa ber a ni.

England hian kum 2021 chhung khan Test match 15 an khel a, vawi li chiah an chak. Three Lions hian Ashes-ah Australia an hneh lo a, India leh New Zealand lakah an tlawm bawk.

Amaherawhchu Root hian run siam tam lama amah hnaih bertu a khelhpui Rory Burns aiin a let thumin run a siam tam a, Rory hian 530 runs a siam.

Calendar year-a Root aia record nei ṭha chu Pakistan batter Mohammad Yousef (1,788) leh West Indies legend Viv Richards (1,710) te chiah an ni a, hemi a nih avang hian Root hian nominee dang New Zealand bowler Kyle Jamieson, Sri Lanka opener Dimuth Karunaratne leh India spinner Ravichandran Ashwin te aia thlan hi a phu a ni.

Shaheen-a dawn Sir Garfield Sobers Trophy for ICC men's cricketer of the year hi inelna pathum Test, ODI leh T20-a che ṭha ber hnena an hlan ṭhin a ni. Pakistan player dang Mohammad Rizwan leh captain Babar Azam te chu T20 leh ODI player of the year-ah thlan an ni bawk.

ICC Awards 2021
Umpire of the Year Marais Erasmus, South Africa
Men’s T20I Cricketer of the Year Mohammad Rizwan, Pakistan
Women’s T20I Cricketer of the Year Tammy Beaumont, England
Emerging Men’s Cricketer of the Year Janneman Malan, South Africa
Emerging Women’s Cricketer of the Year Fatima Sana, Pakistan
Men’s Associate Cricketer of the Year Zeeshan Maqsood, Oman
Women’s Associate Cricketer of the Year Andrea-Mae Zepeda, Austria
Men’s ODI Cricketer of the Year Babar Azam, Pakistan
Women’s ODI Cricketer of the Year Lizelle Lee, South Africa
Men’s Test Cricketer of the Year Joe Root, England
Women’s Cricketer of the Year Smriti Mandhana, India
Men’s Cricketer of the Year Shaheen Afridi, Pakistan