City-in Alvarez an duh

Manchester City chuan River Plate forward Julian Alvarez an hnim­hnai a, he thuziak i chhiar meuh chuan Argentina international hi a lalut fel tawh hial mai thei.

Kum 21 mi lek forward hian Argentine champion tan hian inelna hrang hrangah match 96 khelin goal 36 a khung tawh a, South American player beiseiawm ber pawl a ni.

City boss Pep Guar­diola-a'n striker a ma­mawh thu a pha lo a, mahse, a enkawl City hian tun season Premier League-ah striker mumal an nei lo chungin league-ah point kuain hma an hruai fal mek.

Alvarez hian Argentina tan match nga khelin goal khung a la nei lo a, nikuma Copa America champion team-ah khan a tel.

Nikum khan South American Footballer of the Year-ah thlan a ni a, a career ṭanna River Plate tan nomawi paruk chawi tawhin, champion theihnaah chuan a cham­pion kim thawkhat tawh.