Women's Player of the Year Smriti Mandhana

Indian nula Smriti Mandhana chuan ICC Women's Cricketer of the Year 2021 chawimawina a dawng a, Australia allrounder Ellyse Perry hnua he chawimawina vawi hnih dawng thei hmasa ber a ni - kum 2018 khan he award hi a lo dawng tawh bawk.

Kum 25 mi Mandhana hi Women's T20I Player of the Year dawng tur pawhin chhawpchhuah a ni a, hemi huangah erawh England opener Tammy Beaumont a tluk zo ta lo.

Mandhana hian kum 2018 khan ICC Women's Cricketer of the Year leh ODI Cricketer of the Year award a lo dawng tawh a, tun ṭuma award dawng tur hian Beaumont, Lizelle Lee (South Africa) leh Gaby Lewis (Ireland) te chu a khum.

Indian hmeichhe cricketer zingah Jhulan Goswami chu kum 2007 khan Women's Player of the Year-ah thlan a lo ni tawh a, ICC annual award-a chawimawina dawng thei Indian hmeichhe cricketer zingah chuan Mandhana nen chiah hian an ni.

Maharashtra nula Mandhana hian nikum khan international match 22 khelin run 855 a hlap chhuak a, match khata run 38.86 siam ang zel a ni phak a, vawi khat chu century siamin vawi nga half century a siam thung.

Nikum khan Gold Coast, Australia-a a test match hmasa berah Australia hmachhawnin run 127 zet a siam a, Player of the Match atan thlan a ni hial.