Premier League beiseitu Blackburn

English top flight league en ṭhinte tan Blackburn Rovers hi mikhual an ni tawh lo - Chris Sutton, Damien Duff, Matt Jansen, Brett Emerton, Morten Gamst Pedersen, Roque Santa Cruz, Paul Robinson, Brad Friedel leh David Bentley te ho mitthlaah an lo lang mai thei.

Mahse, May 2012-a an rele­gate hnuah Rovers hian Premier League an khel leh tawh lo a, tunah chuan English top flight league an hnimhnai leh ṭan ta - Pathianni zan khan an mikhual Middlesbrough chu 1-0 in an hneh a, Championship-ah pahnihna an ni mek.

Blackburn Rovers tan hian Sam Gallagher chuan inkhela goal awmchhun a khung a, Boro-in a chhanletna tur an nei lo. Blackburn hian table-ah pahnihna dinhmun an luah zui a, hmahruaitu Fulham chu match khata khel tamin point ngain an phak lo mek - table-a pahnihna chin hi automatic-in Premier League khel turin an tling ṭhin.