Match sarih chak tluang Suns

NBA Western Conference hmahruaitu Phoenix Suns chuan nimin zing khan Utah Jazz chu 115-109 in an hneh a, tun hnai reguular season an khelh hnuhnung pasarih­ah hnehna an chang vek.

Footprint Center-a inkhelah Suns innghahna chu team thawhhona ṭha bawk a ni. Point 33 neitu Devin Booker chu Chris Paul (27 points), Cameron Johnson (20) leh Bismack Biyombo (16) ten an thlawp ṭha; quarter hmasa leh hnuhnung berah chungnung zawkin an chak a ni.

Jazz erawh tun hnaiah an che fuh hleithei lo thung. Jordan Clarkson-a'n point 22 nei mah se chak nan a tawk lo, tun hnai an match hnuhnung 10 aṭangin vawi riat zet an tlawm thung, insiamṭhat an ngai hle.

Nimin zing inkhel dangah Cleveland Cavliers, New Orleans Pelicans leh Chicago Bulls ten an khingpui ṭheuh an hneh ve bawk.

NBA - Nimin Results
New York Knicks 93 - 95 Cleveland Cavaliers
Indiana Pacers 113 - 117 New Orleans Pelicans
Chicago Bulls 111 - 110 Oklahoma City Thunder
Utah Jazz 109 - 115 Phoenix Suns