Number 2 Sabalenka a tla

Australian Open hmei­­­chhe singles seeded pahnihna Aryna Saba­lenka chu fourth round-ah a tla, nimin quarterfinal inkhelah Madison Keys erawhin Barbora Krejcikova hnehin semifinal a in vaw kai thung.

Thawhlehni zan inkhelah Sabalenka hian Kaia Kanepi chu 5-7, 6-2, 7-6 (10-7) in a hneh lo. Sabalenka-i'n tihsual a neih hnem a tuar, double faults ringawt pawh vawi 15 a nei, a khingpuiin match point a hmuh hmasa in chhanhim thei mah se a tawpah a ṭang zo lo.

Kum 36 mi Kanepi tan Australian Open quarterfinal a khelhna hmasa ber a ni dawn. Vawiin chawhma lam hian French Open cham­pion hlui Iga Swiatek nen semifinal hmun ruak inchuhin an inhma­chhawn zui leh nghal ang.

Seeded pasarihna Swiatek hian fourth round inkhel dangah Sorana Cirstea chu 5-7, 6-3, 6-3 in a lo hneh ve bawk a, a vawi hnih nana Grand Slam nomawi chawi turin match thum chiah chak a mamawh tawh.

Nimin quarterfinal inkhelah Madison Keys chuan French Open cham­pion Barbora Krej­cikova chu 6-3, 6-2 in a hneh, a vawi khat nan Keys hian tun hnai kum li chhunga a vawi khat nan Grand Slam semifinal a lut.