Inzaghi-a'n hripui a kai
Inter Milan coach Simone Inzaghi chuan Covid-19 a kai tih hmuh chhuah a ni a, international break lai tak a nih avangin Italian club tan chuan a pawi dan a nep deuh hlek tura ngaih a ni.
Serie A champion hian match khata khel tlem chungin an elpui Napoli lakah point liin hma an hruai thei. Match an neih leh hmasak ber tur chu February 5, Inrinni niin AC Milan nen match pawimawh leh hautak a ni ang.
Inter chuan thuchhuah siamin, "Thawhṭanni khan kan coach Simone Inzaghi chuan hripui a kai tih hriatchhuah a ni a, damdawi lam thuneituten an ruahmanna siamte a zawm ang, nunphung pangngai a zawm leh thuai theih nan duhsakna kan hlan," an ti.