Kum 3 hnuah Italy tan Balotelli

Mario Balotelli chu kum thum hnuah Italy tana khel turin an ko a, Italian striker hi Turkish club Adana Demirspor tan a khel mek.

Kum 31 mi Balotelli hi 2014 World Cup hnuah Azzurri tan a la inlan leh lo a, May 2018 hnua Italy squad-a an koh lehna hmasa ber a ni.

Italy coach Roberto Mancini chuan tun international break-ah match nei lo mah se March thlaa khelh tur World Cup playoff atan ni hnih awh training camp a buatsaih.

Azzurri hian March 24 zanah North Macedonia nen Renzo Barbera, Palermo-ah World Cup playoff an khel dawn a, hnehna an chang a nih chuan Portugal leh Turkey inkhela chak zawk nen Qatar zin tur an zawng ang.

Italy hian World Cup 2018 khel pha lo mah se Mancini kaihhruaina hnuaiah Euro 2020 an champion. Amaherawhchu European champion meuh ni siin World Cup khel thei lo dinhmunah an ding.

Mancini hian tun ṭumah hian player 35 a ko a, a player koh zinga mi goalkeeper Marco Carnesecchi, defenders Luiz Felipe leh Giorgio Scalvini, midfielders Nicolo Fagioli, Davide Frattesi leh Samuele Ricci, forward Joao Pedro te chu koh thar an ni. Felipe leh Pedro te hi Brazlian an ni a, kum bithliah inelnaah Brazil tan an inlan tawh.

Italy Squad:
Goalkeepers: Marco Carnesecchi (Cremonese), Alessio Cragno (Cagliari), Alex Meret (Napoli), Salvatore Sirigu (Genoa);
Defenders: Alessandro Bastoni (Inter), Cristiano Biraghi (Fiorentina), Davide Calabria (Milan), Giorgio Chiellini (Juventus), Mattia De Sciglio (Juventus), Giovanni Di Lorenzo (Napoli), Alessandro Florenzi (Milan), Luiz Felipe (Lazio), Gianluca Mancini (Roma), Luca Pellegrini (Juventus), Giorgio Scalvini (Atalanta), Rafael Toloi (Atalanta);
Midfielders: Nicolo Barella (Inter), Bryan Cristante (Roma), Nicolo Fagioli (Cremonese), Davide Frattesi (Sassuolo), Manuel Locatelli (Juventus), Matteo Pessina (Atalanta), Samuele Ricci (Empoli), Stefano Sensi (Inter), Sandro Tonali (Milan);
Forwards: Mario Balotelli (Adana Demirspor), Domenico Berardi (Sassuolo), Federico Bernardeschi (Juventus), Ciro Immobile (Lazio), Lorenzo Insigne (Napoli), Joao Pedro (Cagliari), Giacomo Raspadori (Sassuolo), Gianluca Scamacca (Sassuolo), Mattia Zaccagni (Lazio), Nicolo Zaniolo (Roma).