Chelsea-in dressing room an tilian

Chelsea chu Stamford Bridge-a mikhual team awmna dressing room chu a tet hret avangin an elpui team-ten an hek a, an tilian.

Mikhual team awmna a tet avang hian Covid-19 laka inven a harsaah an ngai a, dressing room sawiselna hi Liverpool aṭanga chhuaka ngaih a ni.

January 2 khan Liverpool leh Chelsea te hi Stamford Bridge-ah 2-2 in an inhnehtawk a, Jurgen Klopp awm loh laia team enkawltu Pep Lijnders chu ni thum hnuah a positive tih hmuhchhuah niin Arsenan nena League Cup semifinal khelh tur an sawn phah.

Chelsea hian mikhual team dressing room hi an zauh a, media awmna an tizim hret thung. Chutihrualin Blues team dressing room erawh a lian ṭha a, away team awmna nen a inthlau hle. Team pahnih awmna inang lo taka siam hi kum 1990 chhoa Glen Hoddle-a'n Chelsea a enkawl lai aṭanga ṭan a ni.