Ansu Fati zai a ni dawn lo

Barcelona forward Ansu Fati chuan a malpui hliam zai a duh lo a, Catalan club chuan an player hi inenkawl dan kalphung pangngai kalpuiin a inenkawl dawn niin an sawi.

November 2020 khan Fati hi khup hliam vangin a buai a, hemi hnuah hian Barcelona tan match 10 chiah a la khel. A khup hliam vang hian vawi li zet zai a tawk a, zai nawn a duh tawh lo.

Tuna a malpui hliam pawh hi a hliam lo neih tawhna sa a ni a, Copa del Rey last 16-a Athletic Bilbao an hneh loh ṭumin a inhliam nawn a ni.

Barca academy chhuak rawlthar duhawm hi a rawn kir hun tur sawi theih a la ni lo a, tun season inelna hrang hrangah match 10 khela goal nga khungin, assist vawi khat a nei.