Nets ngamtu LA Lakers

NBA team ṭha pahnih inkhelah Los Angeles Lakers chuan Brooklyn Nets chu 106-96 in an hneh. Lakers hian season hmang ṭha lo mah se champion turin an la ṭha ve tawk tih a takin an lantir.

Lakers tan hliam dam hlim Anthony Davis a lo kir tawh a, nikum December 17 hnua a match hmasa berah minute 25 chhung a inkhel thei. LeBron James (33 points) leh Russel Westbrook (15) bakah Davis hi an inkawp rem chho a nih chuan team dang tan hmachhawn an châkawm lo ang.

Nets thiampuipa James Harden-a'n triple-double (33 points, 12 rebounds & 11 assists) a nei a, khel ṭhain thawh hlawk viau mah se thlawptu a nei ṭha tawk lo a, hliam vanga Kevin Durant a la chawlh bawk avangin an tho chhuak thei lo.

NBA - Nimin Results
New Orleans Pelicans 107 - 117 Philadelphia 76ers
Sacramento Kings 75 - 128 Boston Celtics
Minnesota Timberwolves 109 - 107 Portland Trail Blazers
Denver Nuggets 110 - 105 Detroit Pistons
Los Angeles Lakers 106 - 96 Brooklyn Nets
Los Angeles Clippers 116 - 115 Washington Wizards
San Antonio Spurs 134 - 104 Houston Rockets
Charlotte Hornets 113 - 125 Toronto Raptors
Dallas Mavericks 92 - 130 Golden State Warriors