Brazil leh Argentina hnung zui tur?

South America aṭangin ram ṭha pahnih Brazil leh Argentina te World Cup khel turin an tling tawh a, an hnung zui tur an la zawng dawn. Pathumna dinhmun luahtu Ecuador-in zanin dar 2:30 hian hmahruaitu Brazil an hmachawn dawn a, Qatar zin turin point hlawhchhuah a pawimawh ang.

Edinson Cavani telna Uruguay dinhmun a ṭha lo a, World Cup khelh beiseina nei chhunzawm turin January 28, Zirtawpni zingah Paraguay an hneh ngei a ṭul dawn. Paraguay hian World Cup khelh beiseina an la neih tho avangin Uruguay tan a awlsam dawn lo.

Argentina-in Lionel Messi an hahdamtir a, player ṭha dang erawh an ko. Zirtawpni zing hian Argentina-in Chile an hmachhawn dawn a, Lionel Scaloni hoten hahdam taka an khelh theih tawh laiin Alexis Sanchez leh a ṭhiante erawh Qatar zin turin chak ngei a ṭul thung.

January 28, Zirtawpni zing
Ecuador 02:30 AM Brazil
Paraguay 04:30 AM Uruguay
Chile 05:45 AM Argentina
January 29, Inrinni zing
Colombia 02:30 AM Peru
Venezuela 03:30 AM Bolivia
February 2, Nilaini zing
Bolivia 01:30 AM Chile
Uruguay 04:30 AM Venezuela
Argentina 05:00 AM Colombia
Brazil 06:00 AM Paraguay
Peru 07:30 AM Ecuador