Girona leh Barcelona an inrem

Spanish La Liga club Girona leh Barcelona chu January 26-a USA-a league match khel turin an inrem thei ta a, Spanish Football Federation hnenah dilna an thehlut

Girona chuan an khelmuala Barcelona an mikhual tur hi Spain-a khel loin USA-a khelh an duh a, Barca lam chuan hei hi an lo remtihpui. Ruahman anga thil a kaltluan chuan Miami khawpuia Hard Rock Stadium-ah team pahnih hi an intawng ang a, Girona season ticket neite chu an kal dan tur ruahman sak tur an ni ang.

Spanish FA bakah hian US Soccer Federation, UEFA leh North America huam chhunga football thuneitu CONCACAF te chuan rem an tih sak vek a ngai dawn bawk a ni.

La Liga thuneitute chuan media company Relevent nen kum 15 chhung atan USA-a league match khelh an lo remti tawh a, inremna ang chuan club tinin season tinin match khat USA-ah an khel ṭhin ang.

He inremna hi Spanish FA president Luis Rubiales leh Spanish Players' Union te chuan an lo sawisel tawh.