Chiesa-a'n McGregor a khing dawn

UFC fighter Michael Chiesa chuan Conor McGregor vangin harsatna tam tak a tawh thu sawiin Irish fighter hi court lamah a hek a, pawisa a phut.

April 5 khan McGregor hian UFC 223 atana fighter ten media an hmachhawn ṭumin Barclay's Center-ah fighter te chuanna bus chu a bei a, hemi ṭum hian Chiesa hi inhliamin UFC 223-ah hian a inlan thei lo zui a ni.

He thil thleng chungchangah hian Court chuan Irish fighter hi a lo hrem tawh a, ni nga chhung vantlang tana hna thawk tur leh, a thinrim inbengdaih a zir theih nan hemi lam zirna class chhim turin a ti.

Mahse, Chiesa chuan hei hi duhtawk loin mimal taka a thil tawrhte rulh let a nih theih nan McGregor hi Kings County Supreme Court, Brooklyn-ah a khing ta a ni.

Kum 30 mi fighter chuan, "Kha thil thleng khan ka rilru lamah nghawng thui tak a nei a, ka taksaah hliam ka tuar a, ka sum lakluh tur ang ka lakluh theih loh phah bawk," tiin a sawi.

Chiesa hian McGregor bakah Barclay Center leh a enkawltu com­pany BSE Global a khing bawk a, Irish fighter hnen aṭang hian sum fai £19,223 (Rs. 18,04,809) hmuh a phut a ni.