Sardar Singh a chawl ta

India hockey legend Sardar Singh chuan hockey a chawlhsan thu a puang a, India hockey team captain hlui chuan, "Naupang zawkte tan kawng ken a hun ve ta a ni," tiin a chawlh chhan a sawi.

Kum 32 mi Sardar chuan, "Tunah chuan ka chawlh a hun ve ta. Kum 12 ngawt hockey hi ka khel tawh a, chu chu kum tam tak a ni. Ka chhungte mai bakah Hockey India leh ka chhungte ka rawn thlap a, tunah chuan hockey piahlamah ngaihtuahna sen a ṭul ta zawkin ka hria," a ti a, a chawlh thu a puang.

Asian Games khelh zawh takah khan India hian an gold medal kawl lai an humhim zo lo a, direct-a 2020 Olympic Games luh an inbeiseina chu thamralin Sardar hi beisei phak loh zingah telin hei hi a chawlh chhanah ngaih a ni.

Haryana halfback Sar­dar hian India chu 2014 Asian Games-ah khan gold a lakpui a, Asia Cup-ah vawi hnih champion pui bawkin Commonwealth Games (2 silver) leh Champions Trophy (1 silver) leh Champions Challenge (1 silver)-ah te hlawhtlinna a lo chanpui tawh bawk.