Mizoram taekwondo senior team an chhuak

37th National Senior Taekwondo Cham­pion­ship & 11th National Poom­sae Championship chu September 18-22 chhung hian neih a ni leh dawn a, Mizoram Taek­wondo Association tirhin in­fiammi 35 te chuan Jabalpur, Madhya Pradesh an pan.

National Senior Championship hi 2019 National Games, Goa-a neih tur atan selection tour­nament a nih dawn avangin a pawimawh a, India state tin aṭangin an player ṭha ber berte an tel ang.

Mizoram team hian Kyorugi (fight) inelna category 14-ah an khel ang a. Poomsae (form) inelna category hrang hrang 19-ah an khel bawk ang. Mizoram Team te hi Joseph Lalsiama (SYS coach) leh Arjun Pandey ten an hruai.