Under 15 League khelh a hun leh ta

Mizoram Under 15 League round 7 chu vawiin hian RG Stadium, Mualpuiah khelh a ni dawn. League hmahruaitu Aizawl Grassroots Center chiah hneh loh la tawng lo awmchhun an ni a, vawiin chawhma dar 10:30 hian M28 Academy, Republic Veng nen an inhmachhawn dawn.

Aizawl Grassroots Center hian team ṭha ber tura ngaih TataTrusts COE nen an inhnehtawk tih loh chu an la chak vek a, an elpui zinga mi Aizawl FC Academy pawh an hneh thei a ni. Grassroots khingpui tur M28 Academy-in tun hnaiah harhtharna an chang a, match hnuhnung pathum aṭanga point sarih an hlawhchhuah avangin palinaah an invawrh chho a, amaherawhchu vawiina point an hmu lo a nih chuan semifinal khel thei zing aṭangin an chhuak ang.

Tata Trusts COE-in Aizawl FC Academy an hneh loh hnuah Sihphir Venghlun FC leh Competitors for Christ te 4-0 ve ve a hnehin an insiamṭha leh tawh a, Armed Veng club FC Stonzz nen chawhnu dar 1:30 hian an inkhel ang.

Champion rinkai zinga mi Aizawl FC Academy-in match hnuhnung berah Kanan FC an hmachhawn dawn. Match hmasa berah Chanmari FC leh Bawngkawn GSA an inkhel dawn bawk a, Chanmari leh KFC te hi semfiinal thlen beisei zinga mi an nih bawk avangin match zawng zawng hian pawimawh dan a nei vek.

# Team Pld W D L GF GA GD Pts1 Aizawl Grassroots Center 6 5 1 0 19 2 17 16
2 Aizawl FC Academy 6 4 1 1 11 6 5 13
3 TataTrusts COE 6 4 1 1 24 3 21 13
4 M28, Republic Veng 6 3 1 2 15 7 8 10
5 Chanmari FC 6 2 3 1 9 3 6 9
6 Kanan FC 6 3 0 3 10 12 -2 9
7 FC Stonzz, Armed Veng 6 2 1 3 8 11 -3 7
8 Sihphir Venghlun FC 6 1 1 4 4 14 -10 4
9 Bawngkawn GSA 6 1 1 4 8 19 -11 4
10 Competitors for Christ 6 0 0 6 0 31 -31 0