World record siamtu Kipchoge

Nimin khan BMW Berlin Marathon tlan a ni a, 42.195km a thui intlansiakah Kenya long distance runner Eliud Kipchoge chuan darkar hnih, minute khat leh second 39 chhunga thlengin world record thar a siam.

2014 khan Kenya mi tho Dennis Kimetto chuan 2:02:57 chhunga thlengin record a lo siam tawh a, kum li hnuah Kipchoge-a'n second 77 in a rawn khum chiah.

Kum 33 mi Kipchoge hian kumin tir lam khan a vawi thum nan London Marathon-ah hnehna a lo chang tawh bawk, Rio Olympic Marathon champion Kipchoge chuan, "A awlsam lo hle, min puitu leh ruahmana min siamsaktute ka ring tawk a, an thurawn angin ka tlan a ni," a ti.