SAFF Cup-ah India an tlawm

South Asian Football Federation Championship-ah India-in beiseina sang tak nei mah se final-ah Maldives ngam loin an tlawm a, 2-1 in an chak lo.

India hian group stage-ah Maldives hi 2-0 in an lo hneh tawh a, final-ah pawh an hneh mai rinna a sang hle. Mahse, India game-in beisei a phak lo a, Maldives hian minute 19-na lekah Ibrahim Hussain hmangin goal hmahruai an rawn khung nghal a, Ali Fasir chuan minute 73-naah a chhunzawm ve leh bawk.

Blue Tigers hi 2-0 in an tlawm mai dawn niin a lang hman a, mah se Sumeet Passi chuan India mualpho lutuk tur hun pek belhah rawn thupin goal khat a khung a, 1-2 in India an tlawm.

Mizo tlangval Jerry Lalrinzuala chuan bench lamah hun a hmang tluan a, Lallianzuala Chhangte chu semifinal-ah red card a hmuh avangin chhawr theih a ni lo bawk.