Pacman leh Mayweather intawng leh dawn

Floyd Mayweather chuan kum tawp lamah Manny Pacquiao nena inhnek leh turin boxing ring a luh leh tur thu a sawi a, he thu buatsaih a nih thleng hi chuan Pacman erawhin thuchhuah a la nei ve lo.

Mayweather chuan social media lamah video tarlangin, "Kumin chhung ngeia Manny Pacquiao hnek turin ka rawn kir leh ang. Tluklehdingawn tel pawisa inchuhna tur chu a hnai leh ta," tiin a sawi.

Boxing khawvela hming dai tawh lo tur fighter pahnih hi May 2015 khan an lo intawng tawh a, heta an intawn ṭum hian Mayweather chu chak zawkah a ṭang.

American fighter hian August 2017 khan UFC star Conor McGregor chu tawngin round sawmnaah a tukdawl a, a vawi 50 nan hneh loh tawng loin a chak.