MPL7 Round 3 a hmuhnawm dawn

Mc Dowell's No. 1 Soda Mizoram Premier League Season 7-a round 3 a hmuhnawm dawn. September 20 tlaiah kai thar Chawnpui FC-in match hniha point ruk hmu thei MPL club thar Electric Veng FC an hmachhawn dawn a, incho tawk inkhel a en tlak ang.

Zan lamah Bethlehem Vengthlang FC leh Chanmari FC an inkhel dawn a, point la hmu lo mah se BVT hi an khelh tawhna thlirin Chanmari FC tan harsatna an thlen thei thung.

Champion lai Chhinga Vengin match hnih khelhah point ruk an hmu tawh a, amaherawhchu Chhingcows hian an chet ṭhat lai ber pawhin MPL club an nih hnuah Zirtawpni tlaia an khingpui tur Ramhlun North an la hneh ngai lo.

Zan lamah champion rinkai pahnih Aizawl FC leh Mizoram Police te an inkhel dawn a, I League club hian chak an la nei lo a, Police tlarhnung phui bik loh avangin an inkhel tur hian ngaihven a hlawh dawn.

ROUND 3
September 20, Ningani
Chawnpui 03:00 PM Electric Veng
Chanmari FC 07:00 PM Bethlehem VT
September 21, Zirtawpni
Chhinga Veng 03:00 PM Ramhlun North
Mizoram Police 07:00 PM Aizawl FC