Group Stage bika UCL Record

Europe club-te tana inelna sang ber UEFA Champions League chu zanin aṭangin khelh ṭan a ni leh dawn ta a, chanchin ngaihnawm tak tak a awm nual.

Ronaldo-a'n Xavi khum thei: Player inlan hnem ber chu Iker Casillas a ni a, Spanish keeper hian Real Madrid leh FC Porto tan vawi 89 a inlan a, Barcelona legend Xavi Hernandez-a'n vawi 80 a khel bawk. Cristiano Ronaldo-a'n Manchester United leh Real Madrid tan vawi 78 a khel tawh.

Goal khung tam: Lionel Messi leh Cristiano Ronaldo ten group stage bikah goal 60 ve ve an khung tawh a, Karim Benzema-a'n goal 40 a khung tawh bawk. Argentine forward hian goal 60 khung tur hian match 63 chiah a mamawh a, match tina goal 0.93 khung zel niin Messi hi strike rate nei ṭha ber a ni.

Match 1-a goal khung tam: Shakhtar striker Luiz Adriano chuan October 21, 2014 khan BATE Borisov 7-0 a an hneh ṭumin goal nga a khung a, Brazilian striker hi match khata goal khung tam ber a ni.

Group stage khung tam ber: Cristiano Ronaldo chuan 2015-16 season khan Real Madrid tan group stage-ah goal 11 a khung a, group stage-a goal khung tam ber a ni.

Goal rang: Valencia forward Jonas chuan November 1, 2011 khan Leverkusen lamah 10.96 seconds-ah a khung a, goal khung rang ber a ni.

Real Sociedad player Inigo Martinez chuan October 23, 2013 khan Manchester United an hmachawn ṭumin minute 2 leh second 9-ah an lamah a tilut a, own goal rang ber a ni.

Lyon striker Bafetimbi Gomis chuan December 7, 2011 khan Dinamo Zagreb lakah hattrick siam rang ber ni turin minute riat chhungin goal thum a khung a, 7-1 in an chak.

Player naupang: Anderlecht player Celestine Babayaro chuan November 23, 1994 khan Steaua Bucharest an hmachhawn ṭumin a khel a, kum 16 leh ni 87 a upa niin tun thlenga player naupang ber a ni.

October 1, 1997 khan Olympiakos player Peter Ofori-Quaye chuan kum 17 leh ni 195 upa niin Rosenborg 5-1 a hneh loh ṭumin a khung a, goal khung thei naupang ber a ni.

Player upa: Lazio player Marco Ballotta chuan kum 43 leh ni 253-a upa niin Real Madrid nen an inkhelh ṭumin December 11, 2007 khan a inlan a, player khel thei upa ber a ni.

Roma legend Francesco Totti chuan November 25, 2014 khan kum 38 leh ni 59 mi niin CSKA Moscow lakah goal a khung a, Champions League-a goal khung thei upa ber a ni.

Zanin Inkhel Tur
Group A
Club Brugge 12:30 AM Borussia Dortmund
Monaco 12:30 AM Atlético Madrid
Group B
Barcelona 10:25 PM PSV
Internazionale 10:25 PM Tottenham Hotspur
Group C
Liverpool 12:30 AM PSG
Crvena Zvezda 12:30 AM Napoli
Group D
Galatasaray 12:30 AM Lokomotiv Moscow
Schalke 12:30 AM Porto
September 19, Nilaini Zan
Group E
Ajax 10:25 PM AEK Athens
Benfica 12:30 AM Bayern Munich
Group F
Shakhtar Donetsk 10:25 PM Hoffenheim
Manchester City 12:30 AM Olympique Lyonnais
Group G
Real Madrid 12:30 AM Roma
Viktoria Plzen 12:30 AM CSKA Moscow
Group H
Young Boys 12:30 AM Manchester United
Valencia 12:30 AM Juventus