AIFF-in East Bengal an hrem

India rama football thuneitu sang ber All India Football Federation chuan East Bengal chu January 31, 2019 thleng player lalut thei lo turin an hrem a, Kolkata club-in sum ngah thar mah se an bazar thei tawh rih lo!

East Bengal hi Minerva Punjab aṭanga defender Sukhdev Singh lakluh an tum danah club dawr loin player agent an bia a, contract an ziah lailawk pui. Punjab club chuan hei hi hrethiam loin AIFF lamah an zualko a, Indian FA chuan Kolkata club hi an hrem ta a ni.

Quess nena an thawhdun avanga sum ngah thar East Bengal hian Sukhdev Singh hi an lalut ta chuang lo a, Mohun Bagan tan a khel mek. AIFF chuan player pawh hi thla li chhung official match khel thei lo turin an hrem a, Minerva leh AIFF hnenah Rs. 50,000 pe turin an ti!