Record thar nen Abigail a champion

Mizorama badminton inelna ngaihhlut hlawh bera chhal ngam, Mizoram Badminton Association Official Championship 2022 chu hripui avangin chhunzawm theih ni lo mah se inelna engemawzat zawh hman a ni a, kum 16 mi Abigail Lalṭhazuali chuan Women's Singles-ah nomawi chawiin champion thei naupang ber record a siam.

Season khat chhungin Mizoram badminton-ah ranking tournament hrang hrang khelh ṭhin a ni a, chung zingah chuan MBA Official Championship hi ngaihhlut hlawh ber niin ranking point pawh a let thawk a pu a ni.

A hming Abigail
Women's Singles-ah kum 16 leh thla li mi Abigail Lalṭhazuali a champion a, Saron Veng tleirawl hian Mizoram badminton chanchina hmeichhe champion naupang ber record siam tur hian Lalrinzuali, Ralte Villa Badminton Club chu final-ah a hneh a ni.

Senior category-a a vawi khat nana champion Abigail-i hi  ITM University Badminton Academy-ah a inzir mek a, TATA Trusts in Mizoram-a badminton in hma a sawn theih nana Regional Development Center(RDC) a din aṭanga a chherchhuah a ni.

Mipa champion thar
Men’s singles inelna hautak takah tun tournament-a seeded no 4 Lalnunhlua, Dawrpui Vengthar, Ralte Villa Badminton Club tana khel chuan seeded no 7 Joseph Lalhruaitluanga, Bawngkawn Badminton Club chu hnehin a vawi khat nan tournament lianah a champion.

Kum 21 mi Nunhlua hi MBA advance coaching chhuak a ni a, semifinal-ah seeded no.1 Samuel Lalnunmawia a hneh thei - mixed doubles-ah F. Vanlalhriatpuii nen an champion dun bawk.

Triple = Rempuii
Serchhip Ramhlun Veng naupang, kum 14 mi lek Lalrempuii chuan category thumah inelna a hmachhawn a, Under-19 Girl’s Singles, U17 Girl’s Singles leh U17 Girl’s Doubles ah te a champion vek!

Hlimen badminton star Lalmuanawma'n kum 40 kai tawh mah se a la upa lo tih pholangin kut ruakin a haw duh lo a, Mizoram Police Badminton Club tana khel shuttler hian Samuel Lalnunmawia nen ṭangdunin, Lalrinawma leh LaldintluangaTlau, Bawngkawn Badminton Club tana khelte chu Men's doubles-ah an hneh.

Badminton hmasawnna
TATA Trusts, Mizoram Badminton Association leh Mizoram State Sports Council te hmalaknaa Mizoram hmun hrang hranga grassroots coaching centre din a nih hnuah Mizoram badminton-in hma a sawn a, tun hnaiah Mizo naupang engemawzah chu TATA Trusts hmalakna hian Hyderabad a Pullela Gopichand Badminton Academy leh ITM University Badminton Academy, Raipur ah te thawn thlak an ni.

Heng academy-a zirlai naupang engemawzatin tun Official Championship pawh hi an hmachhawn a, an result pawh a chhe lo - Under-19 Boy’s Singles champion Saitluangpuia(Kum 16) hi Hyderabad-a neih zawh tak All India Senior Ranking Badminton Tournament ah qualifying round aṭanga ṭanin, mi panga (5) ngawt a hneh hnuah main draw a invaw tling hial.

Men’s Singles
Champion Lalnunhlua,
Ralte Villa Badminton Club
Runners Up Joseph Lalhruaitluanga,
Bawngkawn Badminton Club (BBC)

Women’s Singles
Champion Abigail Lalthazuali,
Saron Veng Badminton Club (SBC)
Runners Up Lalrinzuali, Ralte Villa BC

Men’s Doubles
Champion Lalmuanawma &
Samuel Lalnunmawia, MPBC
Runners Up LaldintluangaTlau & Lalrinawma,
BBC

Women’s Doubles
Champion Lalrinhlui&Zothansangi,
Ralte Villa BC
Runners Up F. Vanlalhriatpuii & Lalrinzuali,
Ralte Villa BC

Mixed Doubles
Champion Lalnunhlua & F. Vanlalhriatpuii,
Ralte Villa BC
Runners Up LaldintluangaTlau, BBC &
Lalrinzuali, Ralte Villa BC

U-19 Boy’s Singles
Champion Saitluangpuia,
Mission Veng Badminton Club (MBC)
Runners Up H. Lalthazuala, Ralte Villa BC

U-19 Boy’s Doubles
Champion C. Lalramzaua, MBC &
C. Lalrohlua, SerchhipKawnpui
Badminton Club (SKBC)
Runners Up F. Lallawmzuala, Bethlehem BC &
Laldinmawia, LALAT BC

U-19 Girl’s Singles
Champion Lalrempuii, SKBC
Runners Up Ramdinmawii, SBC

U-19 Girl’s Doubles
Champion Liansangpuii, Vairengte Badminton
Club &Ramdinmawii, SBC
Runners Up Lalremfeli, SKBC &
VL Hmangaihzuali, SPBC
U-17 Boy’s Singles
Champion H. Lalthazuala, Ralte Villa BC
Runners Up Marcus Lalthanzuala, BBC

U-17 Boy’s Doubles
Champion Lalnuntluanga &
Vanlalmalsawmzuala, Serchhip BC
Runners Up C. Lalramsanga, MBC &
Lalthazuala, Ralte Villa BC

U-17 Girl’s Singles
Champion Lalrempuii, SKBC
Runners Up Zoramthari, Ralte Villa BC

U-17 Girl’s Doubles
Champion Lalrempuii, SKBC &
Ramngaihzuali, Ralte Villa BC
Runners Up Lalhlupuii Zadeng, SKBC &
S. Lalruatpuii, BBC

U-15 Boy’s Singles
Champion VanlalpekhluaSailo, SKBC
Runners Up Laldinmawia, HBC

U-15 Boy’s Doubles
Champion Malsawmhlua &
Vanlalpekhlua Sailo, SKBC
Runners Up Joel Lalramdinmawia &
Samuel R. Lalhmingsanga, Ralte Villa BC

U-15 Girl’s Singles
Champion H. Lalrinhlui, Ralte Villa BC
Runners Up Zoramthari, Ralte Villa BC

U-15 Girl’s Doubles
Champion H. Lalrinhluii & Zoramthari,
Ralte Villa BC
Runners Up F. Remruatsangi &
JK Vanlalmalsawmi, Champhai
District Badminton Association (CDBA)

U-13 Boy’s Singles
Champion MesakLalrawngbawla, CDBA
Runners Up HT Rohminghlua, DTBC

U-13 Boy’s Doubles
Champion Benjamin Malsawmkima &
Jonathan Lalremtluanga, BBC
Runners Up Lalthuthlungmawia, Serchhip BC &
Malsawmtluanga, Keitum BC