Dubai lamah Djokovic

Tennis world number 1 Novak Djokovic chu February thla a khelh tur Dubai ATP Tour lamah a inlan dawn, tluang taka a inkhel thei a nih chuan tun season chhunga tournament a khelh hmasak ber tur a ni ang.

Kum 34 mi Djokovic hi visa hnuh letsak a nih avangin Australian Open a khel thei lo, vaccine lak loh vangin Australia-ah awm thei lo mah se Dubai ramah erawh invenna lak kher ngai loin a zin luh theih a ni.

Serbian star Djokovic hi Covid-19 vaccine la duh lo zinga mi a ni, hei vang hian Australian Open a khel thei lo. Invenna hi a la duh lo zel a nih chuan Grand Slam pahnihna French Open pawh a khel thei ngei dawn em tih a chiang lo.