GSW chak laiin Lakers chak lo

Nimin zing khan NBA regular season inkhel pahnih chauh a awm. Golden State Warriors chuan Minnesota Timberwolves an hneh laiin, inkhel dangah Los Angeles Lakers erawh Philadelphia 76ers hneh loin an tlawm thung.

Stephen Curry leh Klay Thompson te an khelh ṭhat chuan Golden State tan a awlsam phah ṭhin. Chase Center-a inkhelah Curry-a'n point 29 neiin a ṭhianpa hian point 23 a nei thung a, an khingpui Timberwolves hi 124-115 in an hneh.

Inkhel dangah Lakers hian 76ers chu 105-87 in an ngam lo. Lakers tan LeBron James awm lo mah se Anthony Davis leh Russell Westbrook te an awm tho a, mahse an che fuh thei chuang lo, season kal laia a vawi 25 nan an chak lo - an chak zat aiin chak lohna hi vawi khatin a tam zawk.

NBA Western Confe-rence table-ah Warriors hi pahnihna an ni mek a, anmahni aia match hniha chak hnem Phoenix Suns hnuaiah an awm. Lakers erawh pakuana an ni mek, pariatna chinin playoff an khelh dawn avangin ṭan an ngai hle.

NBA - Nimin Results
Los Angeles Lakers 87 - 105 Philadelphia 76ers
Minnesota Timberwolves 115 - 124 Golden State Warriors