Barca-in Adama Traore an bia

Barcelona chuan an player hlui Adama Traore chu laklet tumin Wolves an dawr a, he thu i chhiar meuh chuan a chiang vek tawh hial ang. Catalan club hian loan hmanga lak a, season tawpa lak ngheh an duh. Barca an inrawlh tak avangin Tottenham tan kum 26 mi Adama Traore lak a beiseiawm ta lo.

Barca leh Wolves hian inremna an nei tawha sawi a awm a, Catalan club hian June thla thleng Traore hlawh hi an tumsak vek ang. Season tawpah euro maktaduai 35-a (£29.1m vel) lei ngheh theih dan a awm tel bawk a, Catalan club hian an lei ngei ngei erawh a ngai kher lo ang.

Spurs hian pound maktaduai 15-in Traore hi lak an tum a, Wolves-in an hnar. Spanish winger Traore hian Molineux-ah thla 18 chauh contract a nei tawh a, tun thlengin contract a la pawtsei lo. Kum 2015 khan Nou Camp chuahsanin Aston Villa a zawm a, Middlesbrough tan kum hnih khel lehin kum 2018 khan pound maktaduai 18-in Wolves hi a zawm.

Adama Traore hian Wolves tan hian match 154 khel tawhin goal 11 a khung. English club hian kar liam ta khan Portugal Under 21 winger Estoril an lalut a, Traore hi chhuah ta se a thlakna tur player la dawn em tih a la hriat loh.