Liverpool-in Luis Diaz an la

Liverpool leh FC Porto ten Luis Diaz chungchangah euro maktaduai 40-in inremna an nei a, Colombia international hi a chet ṭhat dan a zirin a man hi euro maktaduai 20-in a pung leh thei dawn.

Kum 23 mi Dias hi Colombia tan World Cup qualifier khelin a zin chhuak mek a, medical hi Argentina-ah a nei a ni. Dias hian June 2027 thleng daih Anfield-a cham turin contract a ziak a, he thu ziah lai hian Liverpool-in official-in an la puang lo.

Tottenham-in Diaz lei tumin Porto hi euro maktaduai 45 bawr velin an dawr a, Portuguese club hian an hnawl. Jurgen Klopp leh a hoten nipuiah Diaz hi lakluh chauh an tum a, amaherawhchu hma an lak vat loh chuan an chan theih avangin thlasik bazar chhung ngeiin hma an la. Reds hian Diaz chan ngei tumin an aiawh Argentina-ah an tir a, inremna an tifelah ngaih a ni.

Colombian winger Diaz hian tun season Portuguese League-ah match 18 aṭangin goal 14 a khung a, assist vawi nga zet a nei bawk. Diaz hian goal leh assist tam kawngah Reds player zingah Mohamed Salah chiah a tluk lo.

February 2, Nilaini hian World Cup khel tur zawnaah Colombia leh Argentina te an inkhel dawn a, Luis Diaz chevel a thlir thei ang.