Championship goal khung hnem ber Billy Sharp

Sheffield United legend Billy Sharp chuan 2-0 a Peterborough United an hnehna inkhelah goal hmahruai a khung a, Championship-a goal khung hnem ber record thar a siam.

Peterborough striker Callum Morton chuan an lamah a ti lut bawk a, hun tawp thlengin goal dang a lut lo. Sharp hian minute 54-naah goal hmahruai a khung a, Championship-a goal 122 a khungna chiah a ni.

August 2004 khan English second tier inelna hi Championship hming puttir a ni a, Championship tih a nih hnuah goal 122 khung thei dang an la awm lo.

Sharp chuan, "Hun engemaw chen chu he record chungchang hi sawi a lo ni tawh a, record ka siam thei hi ka lawm khawp mai.

"Rei tak he hmunah hian ka awm tawh lo mai thei a, goal khung thei tak Aleksandar Mitrovic hi Championship-ah rei tak a awm loh hram ka beisei! Mi tam takin he record hi an rawn um dawn tih ka hria a, sang taka awm hi ka tan chuan a nuam hle. Mahse, ka la chawl mai dawn lo a, goal tam zawk khung ka la inbeisei," a ti.

Sheffield hi Cham-pionship table-ah 11-na an ni mek a, Sharp hian tun season-ah league match 26 khelin goal riat a khung tawh.