Inkhel en Fulham fan a thi

Fulham fan Paul Parish chu Championship-a a club ṭan inkhel a en laiin lung ṭha lo avangin a buai a, damdawi in hruai a nih hnuah a thi zui. Craven Cottage-a thil thleng avang hian inkhel chu minute 40 vel zet chawlh a ngaih phah hial a ni.

Parish hi a tirah chuan stadium-ah enkawlna pek phawt a ni a, a hnuah damdawi in lam panpui zui ni mah se Inrinni khan a thi.

Fulham chuan, "Hrehawm ti tak chungin Paul Parish kan chhan theih loh thu puan a ngai ta a, a hmangaihte kan tawrhpui takzet a ni," tiin thuchhuah an siam.

Zirtawpni zana Championship inkhelah hian Fulham tan Aleksandar Mitrovic chuan minute rukna lekah goal hmahruai a khung a, tun season-a goal 28-a khungna chiah a ni.

Minute 15-naah Paul Parish-a chunga thil thleng avangin inkhel tihtawp lailawk a ni a, Blackpool tan Josh Bowler chuan minute 57-naah si phurh sutin 1-1 in an inhnehtawk.

Fulham hian Championship-ah point 58 hmuin hma an hruai mek a, match 46 khelh turah match 28 an khel tawh.